اسلام آباد (این این آئی)نائب وزیراعظم اور وزیرخارجہ اسحٰق ڈار نے کہا ہے کہ آذربائیجان کے کشمیر پر مسلسل موقف کو سراہتے ہیں، آذربائیجان کا موقف علاقائی سالمیت کے اصولوں ہر قائم ہے۔جمعرات کو وزیر خارجہ اسحق ڈار نے آذربائیجان کے وزیر خارجہ جیہون بیراموف کے ہمراہ میڈیا سے گفتگو کرتے ہوئے کہا کہ جیہون بیراموف کو دورہ پاکستان پر خوش آمدید کہتے ہیں، پاکستان اور آذربائیجان مظبوط ثقافتی ومذہبی تعلقات سے بندھے ہوئے ہیں، چارج سنبھالنے کے بعد سے مسلسل آذربائیجان کے وزیر خارجہ سے رابطے میں رہا ہوں، مختلف فورمز پر ان سے ملاقاتیں ہوئیں۔انہوں نے کہا کہ دونوں ممالک قانون کی سربلندی کے خواہشمند ہیں، ہم باہمی سرمایہ کاری پر اقدامات کر رہے ہیں، جس میں توانائی کے شعبہ پر خصوصی توجہ دی ہے، دونوں ممالک ماحولیاتی تبدیلیوں اور قابل تجدید توانائی پر تعاون کو فروغ دے رہے ہیں۔وزیر خارجہ نے کہا کہ ہم نے غزہ کی موجودہ صورتحال پر بھی بات کی، ہم آذربائیجان کے کشمیر پر مسلسل موقف کو سراہتے ہیں، آذربائیجان کا موقف علاقائی سالمیت کے اصولوں ہر قائم ہے، پاکستان نکورنو کو آذربائیجان کا خودمختار حصہ سمجھتا ہے۔دوسری جانب آذربائیجان کے وزیر خارجہ جیہون بیراموف نے کہا کہ میرے ہم منصب اسحق ڈار نے مجھے پاکستان کے سرکاری دورے کی دعوت دی تھی، پاکستان اور آذربائیجان دونوں مختلف شعبوں میں تعاون کریں گے۔انہوں نے کہا کہ آج کا دورہ پاکستان اور آذربائیجان کے درمیان بہترین تعلقات کی ایک یاد دہانی ہے، آذربائیجان مختلف فورمز پر پاکستان کی باہمی تعاون کو بہت اہمیت دیتا ہے، دونوں ممالک میں باہمی تجارتی واقتصادی تعلقات بڑھانے کی صلاحیت موجود ہے۔جیہون بیراموف نے کہا کہ دونوں ممالک کے درمیان تعلیم کے شعبے کو بہتر بنانے پر غور کیا گیا، آذربائیجان اور پاکستان کے درمیان ثقافت اور ٹیکنالوجی کے شعبے کو مزید وسعت دینے کی ضرورت ہے۔انہوں نے کہا کہ ہم پاکستان کے کاروباری شخصیات کو باکو میں خوش آمدید کہتے ہیں، اس وقت باکو سے اسلام آباد لاہور اور کراچی براہ راست پروازیں جاری ہیں، بہت سے ثقافت اور لینگویج سینٹر آذربائیجان میں کام کر رہے ہیں، آزربائیجان کشمیر پر پاکستان کی بھرپور حمایت کرتا ہے۔
مقبول خبریں
پی ایس ایل 10 کا ترانہ جاری کر دیا گیا
لاہور(این این آئی)پاکستان سپر لیگ (پی ایس ایل) 10 کا آفیشل ترانہ جاری کردیا گیا ہے۔ پی ایس ایل کے دسویں سیزن کے ترانے...
تیسرا اور آخری ون ڈے’پاکستان اور نیوزی لینڈ 5 اپریل کو آمنے سامنے ہونگے
ماؤنٹ مونگانوئی(این این آئی)پاکستان اور نیوزی لینڈ کی کرکٹ ٹیموں کے درمیان تیسرا اور آخری ون ڈے میچ 5 اپریل بروز ہفتہ کو ماؤنٹ...
ٹرمپ نے پاکستان سمیت 180ممالک پر جوابی ٹیرف کا اعلان کر دیا
واشنگٹن (این این آئی )امریکی صدر ڈونلڈ ٹرمپ نے پاکستان سمیت متعدد ممالک پر جوابی محصولات عائد کرنے کا اعلان کر دیا ہے۔میڈیارپورٹس کے...
اجتماعی قبریں جنگ کے غیر محدود ہوجانے کی مظہر ہیں ، اقوام متحدہ
نیویارک (این این آئی )اقوام متحدہ کے غزہ میں امدادی حکام نے غزہ میں قائم کی گئی ایک اجتماعی قبر سے طبی عملے کے...
ایلون مسک جلد کابینہ چھوڑ دیں گے ،ٹرمپ
واشنگٹن (این این آئی )امریکی صدر ڈونلڈ ٹرمپ نے اپنی کابینہ کے علاوہ کئی دوسرے قریبی افراد کو بتایا ہے کہ ارب پتی...