لاہور(این این آئی)پاکستان شوبز انڈسٹری کے سینئر اداکار فردوس جمال نے اپنی پسندیدہ اداکاراوں کے بارے میں بتا یاہے۔تفصیلا ت کے مطابق فردوس جمال نے حال ہی میں ایک نجی ٹی وی شو میں بطور مہمان شرکت کی جہاں انہوں نے کینسر جیسی جان لیوا بیماری، اپنے کیریئر، ذاتی زندگی اور دیگر موضوعات پر دلچسپ گفتگو کی۔انہوں نے شو کے دوران اس بارے میں بھی بات کی کہ پچھلی کئی دہائیوں میں جتنی بھی اداکاراوں کے ساتھ انہوں نے کام کیا ان تمام اداکاراوں میں سب سے خوبصورت اداکارہ کون ہیں۔فردوس جمال نے کہاکہ میرے خیال میں ابھی تک ہماری انڈسٹری میں سب سے خوبصورت اور دلکش چہرہ زیبا جی کا تھا اور بہترین اداکارہ شمیم آرا تھیں۔یاد رہے کہ فردوس جمال گزشتہ کچھ عرصے سے کینسر جیسی جان لیوا بیماری میں مبتلا ہونے کی وجہ سے اسکرین پر نظر نہیں آ رہے تھے۔
