انقرہ (این این آئی) دنیا بھر میں مقبول ہونے والی تر ک ڈرامہ سیریز ‘ارطغرل غازی’ میں عبدالرحمن غازی کا کردار ادا کرنے والے تْرک اداکار جلال نے کرولوش عثمان کے سیٹ پر نئی تصویر شیئر کردی۔اداکار جلال نے اپنی نئی تصویر فوٹوز اینڈ ویڈیوز شیئرنگ ایپ کی سائٹ انسٹا گرام پر شیئر کی ہے۔جلال نے جو تصویر شیئر کی ہے ان کے بیک گراؤنڈ میں قائی قبیلے کے جھنڈے کو بھی دیکھا جاسکتا ہے۔واضح رہے کہ کچھ عرصہ پہلے خبر آئی تھی کہ اداکار جلال نے اردو زبان سیکھنا شروع کردی ہے۔
