ممبئی (این این آئی)بالی وڈ کی مشہور اداکارہ کرینہ کپور اداکاری کے بعد مصنفہ بھی بن گئیں۔انہوں نے اپنے بیٹے تیمور علی خان کی سالگرہ پر اپنی کتاب اگلے سال مارکیٹ میں لانے کا اعلان کیا ہے۔کرینہ کپور اپنی کتاب میں دوران حمل پیش آنے والے واقعات اور تجربات کے بارے میں لکھیں گی۔ کتاب میں دوران حمل خوش رہنے اور دیگر مسائل کے حل بھی پیش کیے گئے ہیں۔اداکارہ نے سوشل میڈیا پر اپنی کتاب اگلے سال پبلش کرنے کا اعلان کرتے ہوئے بتایا کہ ان کی کتاب کا نام ‘کرینہ کپور خان پریگنینسی بائبل’ ہے۔واضح رہے کہ اداکار سیف علی خان اور کرینہ کپور کے ہاں دوسرے بچے کی پیدائش متوقع ہے اور اس حوالے سے اداکارہ کا کہنا ہے کہ تیمور کے نام پر ہونے والی تنقید کے بعد ہم نے فیصلہ کیا ہے کہ ہم اپنے دوسرے بچے کا نام آخری لمحے تک ظاہر نہیں کریں گے۔
