ممبئی (این این آئی)ہر سال کی طرح اس مرتبہ بھی کرسمس پر کپور خاندان نے یکجا ہو کر کھانا کھایا۔ تقریب کا انعقاد ششی کپور کے گھر پر ہوا جس میں خاندان سمیت بالی ووڈ کے اداکاروں نے بھی شرکت کی۔تقریب میں کرینہ کپور اور سیف علی خان اپنے بیٹے تیمور کے ہمراہ پہنچے۔سیف اور تیمور نے سفید رنگ کا ایک جیسا کرتا شلوار پہنا ہوا تھا جبکہ کرشمہ کپور نے بھی اپنے بچوں کے ساتھ کھانے کی تقریب میں شرکت کی۔شرکت کرنے والوں میں اداکارہ عالیہ بھٹ اور اداکار رنبیر کپور بھی شامل تھے۔ دونوں اداکار ایک مرتبہ پھر تقریب میں ایک ساتھ پہنچے جس پر میڈیا نے ان کی خوب تصاویر کھینچیں۔ تقریب میں شرکت کرنے والے تمام افراد نے ایک ساتھ تصویر بھی کھنچوائی جس کو کرشمہ کپور نے اپنے انسٹاگرام اکائونٹ پر شیئر کیا۔ تصویر کو مداحوں کی جانب سے خوب پسند کیا جا رہا ہے۔
