نیو یارک (این این آئی) مشہور ریسلر اور ہالی ووڈ اداکار ڈوین جانسن (دی راک) نے کرسمس کے حوالے سے ایسا کام کیا جس کی وجہ سے دنیا بھر میں ان کے مداح ان کی تعریف کرتے نہیں تھک رہے۔غیرملکی میڈیا کے مطابق ڈوین جانسن سے ایک شخص جو کہ کورونا لاک ڈائون کی وجہ سے پیسوں کی تنگی کا شکار تھا، اس نے انٹرنیٹ کے ذریعے اپیل کی کہ وہ اپنے بچوں کو کرسمس پر تحفہ دینے کے لئے اپنی تمام پسندیدہ چیزیں بیچنا چاہتا ہے، اس کے لئے اس کی مدد کی جائے،جس کے بعد ایک ویڈیو میں ڈوین جانسن نے اس شخص کی بیچنے کے غرض سے پیش کی گئیں تمام چیزیں خریدنے کا اعلان کردیا۔ڈوین جانسن نے کہا کہ وہ ان کے بچوں کا بھی خیال رکھیں گے جبکہ انہوں نے اس شخص کو اپنی فلم کے سیٹ پر آنے کی دعوت بھی دی۔ایبل نامی شخص نے ڈوین جانسن کی جانب سے کی جانے والی مدد پر ان کا شکریہ بھی ادا کیا۔
