اسلام آباد (این این آئی)مسلم لیگ (ن) کے سینیٹر مشاہداللہ خان کا کرونا ٹیسٹ منفی آگیا ۔ ذرائع کے مطابق مسلم لیگ (ن )کے سینیٹر مشاہداللہ خان علالت کے باعث کئی روز سے نجی ہسپتال میں زیرعلاج ہیں اور ڈاکٹرز نے مشاہداللہ خان کی بیماری کی تشخیص کے لیے متعدد ٹیسٹ کیے ہیں ،مشاہداللہ خان کا کرونا ٹیسٹ بھی کیا گیا جس کی رپورٹ نیگیٹو آئی ہے ۔ مشاہداللہ خان نے کہاکہ مجھے کرونا ہوتا تو بہت جلد تشخیص ہوجاتی،کرونا کے مریضوں کو تو الگ رکھا جاتا ہے۔ مشاہداللہ خان نے کہاکہ مجھے کرونا نہیں ہے ، رپورٹ نیگیٹو آئی ہے۔ مشاہداللہ خان نے کہاکہ سوشل میڈیا اور میڈیا پر زیر گردش میری تصویر ایک سال پرانی ہے۔مشاہداللہ خان نے کہاکہ بیماری کی تشخیص کے لیے میرے مختلف ٹیسٹ ہورہے ہیں۔ انہوںنے بتایاکہ ڈاکٹروں کا کہنا ہے کہ ابھی Biopsy سمیت میرے متعدد ٹیسٹ ہوں گے،پانچ چھ روز میں بیماری کی نوعیت کا معلوم ہوسکے گا،اللہ خیر کرے گا۔
