نیویارک (این این آئی)امریکا کے معروف سوشل میڈیا اسٹار رکی ایل پونڈ نے پاکستانی گانے شکر وڈا پر ڈانس کرکے شائقین کے دل جیت لئے۔ انسٹاگرام پر 43 ہزار سے زائد فالوورز رکھنے والے امریکی سوشل میڈیا اسٹار رکی ایل پونڈ نے حال ہی میں اپنے انسٹاگرام اکاؤنٹ پر ایک ویڈیو پوسٹ کی۔ویڈیو میں امریکی سوشل میڈیا اسٹار اپنے صاحبزادے ڈیلن جے پونڈ کے ساتھ پاکستانی گانے ‘شکر وڈا’ کا مقبول اسٹیپ کرتے دکھائی دئیے۔رکی ایل پونڈ کی اس ویڈیو پر پاکستانی صارفین نے تبصرے کرتے ہوئے انہیں بتایا کہ یہ پاکستانی گانا ہے اور آپ نے اس پر زبردست ڈانس کیا ہے۔خیال رہے کہ پاکستانی گانا ‘شکر وڈا’ فلم ہو من جہاں کا ہے جس میں اداکارہ ماہرہ خان اور شہریار منور کے ساتھ دیگر نے ڈانس کیا تھا۔
