واشنگٹن (این این آئی)امریکا میں کورونا سے مزید ڈھائی ہزار سے زیادہ اموات اور پونے دو لاکھ نئے مریض سامنے آگئے ۔میڈیارپورٹس کے مطابق امریکا میں کورونا سے مزید ڈھائی ہزار سے زیادہ اموات اور پونے دو لاکھ نئے مریض سامنے آگئے،ادھرعالمی ادارہ صحت نے فائزربائیواین ٹیک ویکسین کے ہنگامی استعمال کی توثیق کردی۔دوسری جانب برطانیہ میں کورونا سے مزید 964 افراد ہلاک ہو گئے اور تقریبا 56 ہزار نئے کیسز رپورٹ ہوئے ہیں۔ماہرین کا کہنا تھاکہ ویکسین آنے کے باوجود کورونا پابندیاں موسم گرما تک قائم رکھنا پڑسکتی ہیں۔واضح رہے کہ دنیا بھر میں کورونا وائرس سے متاثرہ افراد کی تعداد 8 کروڑ 37 لاکھ 76ہزار 609 تک جا پہنچی ہے جبکہ اس موذی وائرس سے ہلاکتیں 18 لاکھ 24ہزار 252ہو گئیں۔
