مقبوضہ بیت المقدس (این این آئی) مقبوضہ بیت المقدس شمالی علاقے کفر عقب میں خاندانی رنجش پر گولیاں چل گئی جس کے نتیجے میں کم سے کم تین افراد ہلاک اور متعدد زخمی ہوگئے۔مرکزاطلاعات فلسطین کے مطابق فلسطینی پولیس کے ترجمان کرنل لوئی ارزیقات نے بتایا کہ خاندانی رنجش کے نتیجے میں کفر عقب میں کم سے کم تین افراد ہلاک ہوگئے۔لوئی ارزیقات نے بتایا کہ کفر عقب میں کسی معاملے پر ایک خاندان میں تنازع پیدا ہوجس کے نتیجے میں ایک گروپ نے دوسرے پر فائرنگ کردی جس کے نتیجے میں ہلاکتیں ہوئی ہیں۔ترجمان نے بتایا کہ لڑائی میں مشتعل افراد نے دکانوں کو آگ لگا دی۔ واقعے کے فوری بعد پولیس موقعے پرپہنچ گئی۔ متعلقہ علاقے کے سیکیورٹی انچارج بریگیڈدیئر حافظ الرفاعی نے واقعے کی تحقیقات شروع کردی ہیں۔
