اسلام آباد (این این آئی)سینیٹ قائمہ کمیٹی داخلہ کے چیئر مین سینٹر رحمن ملک نے ہزارہ برادری کے تیرہ بیگناہ افراد کے بیہمانہ قتل کی شدید مذمت کرتے ہوئے کہا ہے کہ ہزارہ برادری پر حملہ ملک میں فرقہ وارانہ فسادات پیدا کرنے کا دشمن کیطرف سے سازش ہے،شیعہ سنی سے اپیل ہے کہ دشمن کی چالوں میں نہ آئے اور دشمن کا متحد ہوکر مقابلہ کرے۔پیر کو اجلا س کے دور ان سینیٹر رحمن ملک نے کہاکہ کمیٹی نے تیرہ افراد کے ایصال ثواب کے لئے فاتحہ اور غمزدہ خاندانوں سے اظہار افسوس کیا ۔انہوںنے کہاکہ مچھ کے علاقہ میں ہزارہ برادری کے تیرہ افراد کا بیہمانہ قتل انتہائی افسوسناک و قابل مزمت ہے، سینیٹ قائمہ کمیٹی داخلہ ہزارہ برادری و غمزدہ خاندانوں کے غم میں برابر کے شریک ہیں، ہزارہ برادری پر حملہ ملک میں فرقہ وارانہ فسادات پیدا کرنے کا دشمن کیطرف سے سازش ہے۔ انہوںنے کہاکہ کچھ دن پہلے کہہ چکا تھا کہ بھارت پاکستان کو غیر مستحکم کرنے کی بھرپور کوشش کر رہا ہے، شیعہ سنی سے اپیل ہے کہ دشمن کی چالوں میں نہ آئے اور دشمن کا متحد ہوکر مقابلہ کرے، وزارت داخلہ کی ذمہ داری ہے کہ ڈسانفولیب کی انکشافات کیخلاف انٹرپول میں جائے۔ انہوںنے کہاکہ شیخ رشید کو کمیٹی اجلاس میں خوش آمدید کہتا ہوں اور چارج سنبھالنے پر مبارکباد پیش کرتا ہوں، وزارت داخلہ ڈسانفو لیب کے انکشافات کی بنیاد پر بھارت کیخلاف اقوام متحدہ میں جائے، کئی سالوں سے کہتا آرہا ہوں کہ بھارت پاکستان کے خلاف ہائبرڈ وار میں ملوث ہے۔ انہوںنے کہاکہ میں حکومت سے بھارت کے سائبر کرائمز کیخلاف اقوام متحدہ میں جانے کا مطالبہ دہراتا ہوں۔
