اسلام آباد (این این آئی) حزب وحدت اسلامی افغانستان کے سربراہ کریم خلیلی نے کہا ہے کہ پاکستان اور افغانستان دونوں مل کر داعش اور امن دشمن سپائیلرز کو ناکام بنا سکتے ہیں، پاکستان افغانستان میں قیام امن کے کیے تمام تر کوششیں کر رہا ہے، قیام امن کے بعد پاکستان اور وسطی ایشیاء میں افغانستان سے گزرنے والی پائپ لائن، کاسا 1000اور دیگر ترقیاتی منصوبے بہتر ہو جائیں گے۔پاکستان کے دورے پر آئے ہوئے حزب وحدت اسلامی افغانستان کے سربراہ استاد کریم خلیلی نے انسٹیٹیوٹ آف اسٹریٹیجک اسٹڈیز کا دورہ کیا ۔عوامی مکالمے سے خطاب میں استاد محمد کریم خلیلی نے کہا کہ پاکستان کے ساتھ انتہائی برادرانہ اور قریبی تعلقات ہیں ،پاکستانی قیادت کے مثبت و تعمیری کردار کو سراہتا ہوں ،پاکستان افغانستان میں قیام امن کے کیے تمام تر کوششیں کر رہا ہے، پاکستان اور افغانستان دونوں مل کر داعش اور امن دشمن سپائیلرز کو ناکام بنا سکتے ہیں ۔استاد کریم خلیلی نے کہا کہ پاکستان نے افغانستان میں امن عمل کو موجودہ مرحلے تک پہنچانے میں بہت مدد کی ہے ۔انہوں نے کہا کہ قیام امن کے بعد پاکستان اور وسطی ایشیاء میں افغانستان سے گزرنے والی پائپ لائن، کاسا 1000اور دیگر ترقیاتی منصوبے بہتر ہو جائیں گے ۔ انہوں نے کہاکہ پاکستان اور افغانستان مل کر داعش اور امن دشمن سپائیلرز کو ناکام بنا سکتے ہیں ۔استاد کریم خلیلی نے کہا کہ افغانستان میں اب قیام امن ایک سنجیدہ موضوع ہے چاہتے ہیں ،ایسا امن آئے جو کسی ہمسائے کیلئے پریشانی کا باعث نہ ہو ،افغانستان میں قومی سطح پر امن کی شدید خواہش موجود ہے ،قیام امن کے حوالے سے متودد چیلنجز کا سامنا ہو سکتا ہے اس وقت مذاکرات کے نتائج پر بات کرنا قبل از وقت ہو گا ،حزب وحدت اسلامی افغانستان کے سربراہ نے کہا کہ طالبان کے ساتھ معاہدہ ہونے کی صورت میں داعش اور اس جیسے خطروں کے مقابلے میں مدد ملے گی، خطے کے تمام ممالک سے افغان امن کے قیام میں ساتھ کی توقع رکھتے ہیں ،افغان ہزارہ قوم بھی شدت سے امن کی طالب ہے خطے کے تمام بالخصوص ہمسایہ. ممالک سے افغانستان میں قیام امن کے لیے حمایت کی توقع رکھتے ہیں۔
