لاہور( این این آئی)نجی ٹی وی چینل سے فنکاروں پر مشتمل کرکٹ ٹیموں کے درمیان مقابلوں کا آغاز ہو گیا ۔ نجی ٹی وی چینل سے کرکٹ گیم شو شروع کر دیا گیا ہے جس میں پانچ ٹیمیں شامل ہیں جن کو مختلف نام دئیے گئے ہیں ۔ نامور اداکار ہمایوں سعیداور عدنان صدیقی بھی ٹیموں کی قیادت کر رہے ہیں۔ہر ٹیم میں پانچ ،پانچ مردوں کے ساتھ ایک اداکارہ خاتون کھلاڑی کو بھی ٹیم کا حصہ بنایا گیا ہے ۔ یہ مقابلے نجی ٹی وی چینل سے آٹھ بجے دکھائے جاتے ہیں ۔
