لاہور( این این آئی)نامور اداکار حیدر سلطان فلم ” اتھرا شیر ” میں اپنے مرحوم والد سلطان راہی کی طرح نظر آئیں گے۔ اداکار نے خصوصی گفتگو کرتے ہوئے بتایا کہ میری ایک فلم ” میرا دل چنا ” مکمل ہو گئی ہے جبکہ ” اتھرا شیر ” جس میں مرکزی کردار ادا کر رہا ہوں تکمیل کے آخری مراحل میں ہے ۔ انہوں نے کہا کہ اس فلم میں اپنے مرحوم والد سلطان راہی کا گٹ اپ اپنایا ہے اور اسے بہت پسند کیا گیا ہے ۔انہوں نے کہا کہ دنیا میں سلطان راہی جیسا کوئی دوسرا فنکار پیدا نہیں ہو سکتا ، ان کا گٹ اپ اپنانے کا مقصد بھی انہیں خراج عقیدت پیش کرنا ہے ۔ انہوں نے کہا کہ مجھے قوی امید ہے کہ میرے دونوں پراجیکٹ دیکھنے والوں کو ضرور پسند آئیں گے۔
