لاہور( این این آئی)سینئر اداکارہ فضیلہ قاضی نے کہا ہے کہ وقت کسی بھی انسان کا انتظار نہیں کرتا اور اپنی رفتار سے گزر جاتا ہے ، وقت کی قدر کرنے والے لوگوں نے ہمیشہ کامیابیاں سمیٹی ہیں اور جو غفلت میں پڑے رہتے ہیں انہیں پچھتانا پڑتا ہے ۔ ایک انٹر ویو میں فضیلہ قاضی نے کہا کہ جب سے ہوش سنبھالا ہے اپنی زندگی کو ڈسپلن اور مرتب کردہ شیڈول کے مطابق گزارا ہے اور اپنے بچوں کو بھی اس کی تربیت دیتی ہوں ۔ میر ے خیال میں جو لوگ اپنی زندگی کو ڈسپلن اور شیڈول کے مطابق گزارتے ہیں وہ اپنی زندگی کا مقصد حاصل کرنے میں کامیاب رہتے ہیں اور جن کا سونے جاگنے اور دیگر امور نمٹانے کا کوئی شیڈول نہیں ہوتا انہیں زندگی میں بے پناہ مشکلات اور پچھتاوے کا سامنا کرنا پڑتا ہے ۔فضیلہ قاضی نے کہا کہ آج بھی شوبز میں ہوں اور بھرپو رکام کر رہی ہوں ۔ میرے ذاتی خیال میں کسی بھی اداکار کو اپنی شخصیت کے مطابق ہی کردار نبھانا چاہیے ۔
