ممبئی (این این آئی)بالی ووڈ کی افغان نژاد اداکارہ ورینہ حسین نے اقوام متحدہ سے اپیل کی ہے کہ عالمی ادارہ مداخلت کرکے افغان عوام کی مدد کرے۔ان کا کہنا ہے کہ افغانستان میں جنگ و جدل اور تباہی کی وجہ سے ہی ان کا خاندان بھی 20 برس قبل ملک سے فرار ہونے پر مجبور ہوا تھا۔ 2018 کی بالی ووڈ مووی لوو یاتری کے ذریعے اپنا فلمی کیریئر شروع کرنے والی ورینہ حسین کے مطابق موجودہ افغان صورتحال کے باعث جو تصاویر خبروں میں نظر آرہی ہیں، جس میں کہ لوگ افغانستان چھوڑنے کے لیے پریشان نظر آرہے ہیں انھیں دیکھ کر مجھے اپنا تکلیف دہ ماضی یاد آجاتا ہے۔ان کا کہنا ہے کہ وہ خوش نصیب ہیں کہ انھیں بھارت نے قبول کرلیا اور اب یہ ان کا گھر بن گیا ہے لیکن ایسا سب کے ساتھ نہیں ہوتا، لوگوں کو ملک چھوڑنے کے بعد کافی مشکل کا سامنا کرنا پڑتا ہے۔
