اسلام آباد(این این آئی)وفاقی وزیرمنصوبہ بندی اور این سی او سی کے سربراہ اسد عمر نے کہا ہے کہ کورونا ویکسینیشن کے مثبت اثرات سامنے آرہے ہیں، کیسزکی شرح انتہائی کم ریکارڈ کی گئی ہے۔سماجی رابطے کی ویب سائٹ ٹوئٹر پر اپنے بیان میں وفاقی وزیر اسد عمر نے کہا کہ انتہائی نگہداشت وارڈ میں کورونا مریضوں کی تعداد بھی انتہائی کم ہے، کورونا سے روزانہ اموات میں بھی کمی آئی ہے۔انہوں نے کہا کہ کورونا ویکسینیشن مہم جاری رہنی چاہیے۔انہوں نے کہا کہ عالمی سطح پر گزشتہ روز کورونا سے 7 ہزار 500 اموات ہوئی ہیں۔دوسری جانب معاون خصوصی ڈاکٹر فیصل سلطان نے نجی ٹی وی کے پروگرام میں گفتگو کرتے ہوئے کہا کہ ملک میں اہل آبادی کی کورونا ویکسینیشن 25 فیصد ہوچکی ہے، روزانہ 7 ساڑھے 7 لاکھ افراد کی ویکسینیشن کی جا رہی ہے۔انہوں نے کہا کہ آبادی کا ایک بڑا تناسب ابھی موجود ہے جسے انفیکشن ہوسکتا ہے۔ڈاکٹر فیصل سلطان نے کہا کہ خصوصاً نوجوانوں کی ویکسینیشن جاری رہنی چاہیے، دس کروڑ سے زائد ویکسین کے ڈوز لگائے جا چکے ہیں، کورونا ویکسین کی کوئی فیس نہیں یہ مفت لگائی جا رہی ہے۔انہوں نے کہا کہ کورونا سے بچائو کیلئے ویکسین لگوانی چاہیے، ویکسین محفوظ ہے۔انہوں نے کہا کہ اسلام آباد میں دو تہائی سے زائد آبادی ویکسین لگوا چکی ہے۔انہوں نے کہا کہ خسرہ ویکسین کی دو سے زیادہ خوراک کی ضرورت نہیں ہوتی۔
مقبول خبریں
چین کے وزیرِ اعظم لی چیانگ پاکستان کے چار روز ہ دورے پر اسلام...
اسلام آباد (این این آئی)چین کے وزیرِ اعظم لی چیانگ پاکستان کے چار روز ہ دورے پر پیر کواسلام آباد پہنچ گئے۔ وزیراعظم محمد...
پی ٹی آئی عمران خان سے سیاسی ملاقات کیلئے بلیک میل کررہی ہے’ خواجہ...
اسلام آباد(این این آئی)پاکستان مسلم لیگ ن کے رہنما اور وزیر دفاع خواجہ آصف کا کہنا ہے کہ پی ٹی آئی عمران خان سے...
اسرائیل ایران میں فوجی ڈھانچے یا توانائی کی تنصیبات کو نشانہ بنا سکتا ہے،امریکی...
واشنگٹن (این این آئی)امریکی حکام کا خیال ہے کہ اسرائیل نے حالیہ ایرانی حملے کے جواب دینے کے لیے ایران کے فوجی اور توانائی...
سعودی عرب کی انروا کے زیر استعمال اراضی ضبط کرنے کی سخت الفاظ میں...
ریاض (این این آئی)سعودی عرب کی وزارت خارجہ نے اسرائیلی حکام کی جانب سے مقبوضہ بیت المقدس میں اقوام متحدہ کی ریلیف اینڈ ورکس...
فرانسیسی صدر کا ایرانی ہم منصب سے ٹیلیفون پر رابطہ
پیرس (این این آئی)مشرق وسطی کی کشیدہ صورتحال پر فرانسیسی صدر ایمانویل میکرون نے ایران کے صدر مسعود پزشکیان سے ٹیلیفون پر رابطہ کیا...