لاہور( این این آئی)خوبرو اداکارہ سجل علی نے کہا ہے کہ میں کوئی بھی پراجیکٹ شروع کرنے سے پہلے منت ضرور مانگتی ہوں اورپھر اہتمام کے ساتھ اسے پورابھی کرتی ہوں،میرا اور میری بہن صبور علی کا اداکاری کا انداز ایک دوسرے سے الگ ہے ۔ایک انٹر ویو میں اداکارہ نے کہا کہ ٹی وی ،فلم یا دیگر کوئی بھی پراجیکٹ شروع کرنے سے پہلے منت مانگ لیتی ہوںاور مجھے یقین ہوتا ہے کہ میراپراجیکٹ سوفیصد کامیاب رہے گا۔ کہا کہ میں خدا کی ذات کاشکراداکرتی ہو ںجس نے مجھے کم عمری میںوہ عزت اور شہرت دی جس کا لوگ برسوںانتظار کرتے ہیں۔ انہوں نے ایک سوال کے جواب میں کہا کہ میرا او رمیری بہن صبور علی کا اداکاری کا اندازالگ الگ ہے ، ایک دوسرے سے مشاورت ضرور ہوتی ہے لیکن کام اپنی اپنی سوچ کے مطابق کرتی ہیں۔
