لاہور( این این آئی)ناموراداکارہ ہانیہ عامرتازہ ترین ویڈیومیں اسپائیڈر مین بن گئیں ۔اسپائیڈرمین سیریزکی نئی فلم ” اسپائیڈرمین،نو وے ہوم ”جہاں باکس آفس پرنئے ریکارڈز قائم کررہی ہے وہیں پاکستان میں بھی اس کے سحرنے کرونا کے باعث طویل عرصے سے بند سینما گھرکھلنے پرشائقین کوجکڑلیا ہے۔ٹام ہالینڈ اور زینیڈیا کی یہ فلم 17دسمبر2021 کو اپنی ریلیزکے بعد سے دنیا بھر میں 600 ملین ڈالرزسے زائد کمانے کے بعد کرونا کے آغاز سے اب تک کی سب سے بڑی سینما ریلیز بن چکی ہے۔عام شائقین کے علاوہ ہانیہ عامراور کبری خان سمیت دیگرشوبزستارے بھی نئی فلم سے لطف اندوز ہونے کیلئے سینما گھروں کا رخ کررہے ہیں۔انسٹاگرام پراس حوالے سے پوسٹ میں ہانیہ عامر نے اسپائیڈرمین کا ماسک پہنے تصویرشیئرکی جس میں وہ سینماکی بیرونی منڈیرپرپوز بنائے دیوار پرچڑھنے کا تاثردے رہی ہیں، اداکارہ نے کیپشن میں بتایا کہ وہ یہ فلم دیکھنے کے لیے بہت زیادہ پرجوش تھیں۔
