لاہور(این این آئی)ناموراداکارہ ریشم نے کہا ہے کہ عاجزی کی صفت رب کی ذات کو بہت پسند ہے اور جو بھی انسان عاجزی اختیار کرتا ہے وہ کبھی ناکام نہیں ہوتا،میںاپنے ساتھ کام کرنے والوں اوردوستوںکی کامیابی پر بھی اسی طرح خوش ہوتی ہوںجیسے مجھے کامیابی ملی ہو، حسدایک موذی مرض ہے جوانسان کی شخصیت کودیمک کی طرح چاٹ جاتاہے ، صاحب ثروت شخصیات سے اپیل ہے وہ اپنے اردگرد لوگوں کی ضرورتوں کا خیال رکھا کریں۔ ایک انٹرویو ریشم نے کہا کہ یہ انتہائی چھوٹی سوچ ہوتی ہے کہ آپ کسی شخص کی کامیابی پر خوش ہونے اور تعریف کرنے کی بجائے کم ظرف ہونے کاثبوت دیں اور اس کے ماضی میں جھانکیں ۔میں نے بہت سے لوگوںکو دیکھا ہے جوخودناکام ہیں اور دوسروں کو بھی کامیاب ہوتا نہیںدیکھنا چاہتے اورحسد کرتے ہیں،دوسروں کیلئے مثبت سوچیں اوران کی کامیابیوں پر خوش ہوںدیکھیں خدا کی ذات آپ کو بھی نوازے گی ۔ ریشم نے کہا کہ میری ان لوگوں سے درخواست جنہیں وسائل میسر ہیں وہ ضرور خدا کی راہ میں خرچ کیا کریں اور خاص طو رپر اپنے اردگرد ضروتمندوں کا خاص خیال رکھا کریں۔
