انقرہ (این این آئی )ترکی کے مغربی شہر ازمیر میں 7.0 شدت کے زلزلے کے نتیجے میں ہونے والی اموات کی تعداد100ہو گئی ہے۔غیرملکی خبررساں ادارے کے مطابق ترک ڈیزاسٹرمینجمنٹ ایجنسی نے کہاکہ زلزلے سے اموات کی تعداد میں اضافہ ہوا ہے، اموات کی تعداد100ہو گئی ہے جبکہ زلزلے میں زخمی ہونے والے 147 افراد اسپتال میں زیر علاج ہیں۔ترک ڈیزاسٹرمینجمنٹ ایجنسی کے مطابق زلزلے میں زخمی 994 افراد میں سے847 اسپتال سے ڈسچارج ہو چکے ہیں جبکہ ازمیر میں زلزلے کے بعد امدادی کارروائیاں جاری ہیں۔ترک میڈیا کے مطابق زلزلے سے متاثرہ علاقے میں ریسکیو کارروائیاں جاری ہیں، امدادی کارروائیوں میں ملبے سے اب تک 106 افراد کو زندہ نکالا جا چکا ہے۔واضح رہے کہ ترکی کے مغربی شہر ازمیر میں 30 اکتوبر کو 7.0 شدت کا زلزلہ آیا تھا۔
