اسلام آباد (این این آئی)وزیر خارجہ شاہ محمود قریشی نے اتحادی جماعتوں پر اعتماد کا اظہار کرتے ہوئے کہا ہے کہ اتحادیوں نے ہر نشیب و فراز میں حکومت کا ساتھ دیا ہے اب بھی دیں گے،بلاول بھٹو کے مطابق سپریم کورٹ اور الیکشن کمیشن تحریک عدم اعتماد میں اپنا کردار ادا کریں،دونوں اداروں کا تحریک عدم اعتماد میں کوئی کردار نہیں ہوسکتا، اداروں کو سیاست میں گھسیٹنا اداروں کے شایان شان ہے نہ ہی مناسب عمل ہے، تحریک عدم اعتما د کا بھرپور مقابلہ کرینگے اور شکست دینگے ۔ پیر کو یہاں میڈیا سے گفتگو کرتے ہوئے وزیر خارجہ نے کہا کہ میری بلاول سے گذارش ہو گی قومی اور آئینی اداروں کو سیاست میں گھسیٹنا مناسب نہیں ہے،ہم ان شا اللہ عدم اعتماد کی تحریک کا مقابلہ کریں گے اور انہیں شکست دیں گے۔انہوں نے کہا کہ بلاول آرٹیکل 6 کا ذکر کرتے ہیں،آئین سب کیلئے مقدس ہے۔وزیر خارجہ نے بلاول سے پوچھا ہے کہ جب آپ اور آپ کے ابو نوٹوں کے تھیلے لیے ممبران کے دروازوں پر جا کر کہہ رہے ہیں کہ اپنی وفاداریاں تبدیل کرو تو کیا یہ حلف سے روگردانی نہیں؟آئین کی روح کو آپ اور آپ کے والد متاثر کر رہے ہیں،ان غیر آئینی ہتھکنڈوں سے باز رہیں۔شاہ محمود قریشی نے کہا کہ مت بھولیے کہ ایسے لوگ بھی ہیں جنہوں نے ہمیں آ کر بتایا ہے کہ آپ ان کے ساتھ کیا گفتگو کر رہے ہیں۔بحیثیت سیاسی کارکن مجھے اور میری جماعت کو اپنے اتحادیوں پر مکمل اعتماد ہے،وہ بہت وضع دار لوگ ہیں انہوں نے ہر مشکل وقت میں ہمارا ساتھ دیا اور وہ اپوزیشن کی سب چالوں کو سمجھتے ہیں۔وہ سب تجربہ کار سیاستدان ہیں اور کسی بہکاوے میں نہیں آئیں گے۔انہوں نے کہا کہ پاکستان کے باشعور عوام سمجھتے ہیں کہ کہ ان کے “ان ہولی الائنس ” کا شیرازہ بہت جلد بکھر جائے گا کیونکہ اپوزیشن اتحاد میں شامل جماعتوں کا کوئی ایک نظریہ اور ایک سوچ نہیں ہے۔وزیر خارجہ نے سوال اٹھایا ہے کہ کیا بلاول نے پیپلزپارٹی کی آئیڈیالوجی کو مولانا کی آئیڈیالوجی میں ضم کر دیا ہے؟ کیونکہ نون لیگ کی اپنی سوچ ہے اگر آپ کا خیال ہے کہ مریم نواز مستقبل کا لیڈر آپ کو سمجھتی ہیں تو یہ آپ کی غلط فہمی ہے،آپ کا نہ نظریہ، نہ قیادت اور نہ ہی منشور ایک ہے
مقبول خبریں
پاکستان میں جمہوریت کی مضبوطی کیلئے مادر جمہوریت بیگم نصرت بھٹو کے نظریے کو...
اسلام آباد (این این آئی)صدر مملکت آصف علی زرداری نے پاکستان میں جمہوریت کی مضبوطی کیلئے مادر جمہوریت بیگم نصرت بھٹو کے نظریے کو...
وزیر خزانہ سے سعودی ہم منصب محمد الجدان کی ملاقات،باہمی دلچسپی کے شعبوں...
واشنگٹن(این این آئی)وزیر خزانہ محمد اورنگزیب سے ورلڈ بینک اورآئی ایم ایف کی سالانہ میٹنگز کے موقع پر ان کے سعودی...
پیراپلیجک سنٹر پشاور میں مفت کلب فٹ علاج پر تربیتی ورکشاپ کامیابی سے اختتام...
پشاور(این این آئی) پیراپلیجک سنٹر پشاور نے آزاد کشمیر کیلئے دو روزہ تربیتی ورکشاپ کا کامیاب انعقاد کیا۔ اس کا مقصد طبی ماہرین کو...
وزیر خزانہ کی واشنگٹن میں ملاقاتیں، پاکستانی معیشت کی بحالی اور...
واشنگٹن (این این آئی)وزیر خزانہ سینیٹر محمد اور نگزیب نے پاکستان کی معیشت کی بحالی اور اصلاحات کے لئے معاشی استحکام کے...
توشہ خانہ ٹو کیس میں بشریٰ بی بی کی ضمانت منظور
اسلام آباد (این این آئی)اسلام آباد ہائی کورٹ نے توشہ خانہ ٹو کیس میں سابق وزیراعظم اور پاکستان تحریک انصاف کے بانی عمران خان...