لاہور( این این آئی)پنجاب اسمبلی میں قائد حزب اختلاف حمزہ شہباز نے کہا ہے کہ عوام تو کب کے عمران نیازی پر عدم اعتماد کا اظہار کر چکے ہیں، متحدہ اپوزیشن عمران نیازی کو کٹہرے میں لائے گی،عمران خان میں نہ مانوں کے اصول پر عملدرآمد کرتے ہیں، حکومتی اتحادی بھی کہتے ہیں وزیراعظم ہماری بات نہیں سنتے، عوامی نمائندوں نے عوام کے پاس جانا اور جواب دینا ہوتا ہے، منتخب نمائندوں کا موقف ہے عوام کے سامنے کیا منصوبہ لے کر جائیں گے، عمران نیازی نے 4 سال میں کون سا تیر مارا ہے،اگر کسی ادارے نے عمران خان کے کہنے پر کوئی غیر آئینی او ر غیر قانونی حرکت کی تو اس کے خلاف کاروائی کریںگے ۔احتساب عدالت میں پیشی کے موقع پر میڈیا سے گفتگو کرتے ہوئے حمزہ شہباز نے کہا کہ تحریک انصاف کے اراکین قومی اسمبلی اپنے مطالبات عمران نیازی کے سامنے رکھتے رہے مگر ان کی بات نہیں سنی گئی ،مہنگائی کی وجہ سے عوام کو مار دیا ہے ،سیمنٹ کی بوری تاریخ کی بلند ترین سطح پر پہنچ گئی ہے ،غریب آدمی کہاں سے اپنا گھر بنائے گا ۔ انہوں نے کہا کہ پاکستانی قوم بہت پہلے سے ہی عدم اعتماد کرچکی ہے ،اس کی مثال ضمنی انتخابات ہیں،بلدیاتی نتائج میں بھی عوام اپنا فیصلہ دے چکے ہیں، ان سب چیزوں سے لگتا ہے کہ عوام عدم اعتماد کب کے کر چکے ہیں۔ انہوںنے کہا کہ اسلام آباد کی انتظامیہ کو کہنا چاہتا ہوں کہ ووٹ دینا ہر ممبر کا آئینی حق ہے،اگر کسی ادارے نے عمران خان کے کہنے پر کوئی حرکت کی تو اس ادارے کے خلاف کاروائی کریںگے ،عمران خان اب پاکستانی عوام آپ کو نہیں چھوڑیں گے ،اس کی دھمکیوں اور باتوں میں کوئی نہ آئے ۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...