کیف (این این آئی ) نیٹو کے ایک اعلی فوجی اہلکار نے کہا ہے کہ نیٹو کے اندازوں سے ظاہر ہوتا ہے کہ روس کو جنگ کے پہلے مہینے کے دوران یوکرین میں میدان جنگ میں 30سے 40ہزار کے درمیان ہلاکتیں ہوئیں۔ جن میں سات ہزار سے15ہزار کے درمیان روسی فوجیوں کی ہلاکتیں بھی شامل ہیں۔میڈیارپورٹس کے مطابق فوجی اہلکار جس نے نیٹو کے قوانین کے تحت نام ظاہر نہ کرنے کی شرط پر بات کی، کہا کہ ہلاکتوں کی تعداد کا تخمینہ یوکرین کی حکومت کی معلومات، روس کے اندازوں اور اوپن سورسز (اعلانیہ ذرائع)کی معلومات کے امتزاج پر مبنی ہے۔انہوں نے واضح کیا کہ مرنے والوں کی تعداد میں لڑائیوں میں ہلاک اور زخمی ہونے والوں کے ساتھ ساتھ وہ لوگ بھی شامل ہیں جو لڑائی کے دوران پکڑے گئے یا لاپتہ ہوئے۔
