اسلام آباد (این این آئی) وزیر اعظم عمران خان کی جانب سے اتحادیوں سیاسی جماعتوں کے اعزاز میں دیئے گئے ظہرانے میں اتحادیوں نے وزیر اعظم کے سامنے شکایات کے انبار لگا دیئے جس پر وزیر اعظم عمران خان نے اتحادیوں کویقین دھانی کروائی کہ انکے تحفظات سن لیے ہیں جلد ان پر عمل درآمد ہوتا نظر آئے گا جبکہ شکایات اور تحفظات کے باوجود حکومتی اتحادیوں نے اپوزیشن کی تحریک کے دور ا ن حکومت کو مکمل تعاون فراہم کر نے کی یقین دہانی کرادی ۔ ذرائع کے مطابق وزیر اعظم عمران خان کی جانب سے اتحادی جماعتوں کے اعزاز میں ظہرانہ کا اہتمام کیاگیا جس میں اتحادی جماعتوں کے رہنماء کے علاوہ وفاقی وزراء اور مشیران بھی شریک ہوئے ،پنجاب ، خیبر پختوانخواہ اور بلوچستان کے وزرائے اعلی ،سندھ اور خیبر پختونخوا کے گورنر ،وفاقی وزراء شاہ محمود قریشی ،شفقت محمود، پرویز خٹک، فواد چوہدری اور بابر اعوان شریک ہوئے جبکہ ایم کیو ایم کی نمائندگی خالد مقبول صدیقی اور وزیر آئی ٹی امین الحق نے کی،پیر پگاڑا، فہمیدا مرزا اور شاہ زین بگٹی بھی موجود تھے
