لاہور(این این آئی)اداکارہ فائزہ گیلانی کا کہنا ہے کہ محبت اگر مل جائے تو اس میں برائیاں نظر آنے لگ جاتی ہیں۔شوبز انڈسٹری کی سینئر اداکارہ فائزہ گیلانی نے گزشتہ روز نجی ٹی وی کے مزاحیہ پروگرام میں شرکت کی اور اس دوران محبت اور دیگر موضوعات پر اپنی رائے کا اظہار کیا۔یکطرفہ محبت کے سوال پر فائزہ نے کہا کہ محبت اگر مل جائے تو کمزور ہوجاتی ہے محبوب کی برائیاں نظر آنے لگ جاتی ہیں، ہم میں سے مکمل تو کوئی بھی نہیں ہے۔اداکارہ نے کہا کہ ہم یکطرفہ محبت میں وہ سب کچھ نظرانداز کرتے ہیں جو محبوب کے ملنے کے بعد نظر آنے لگ جاتی ہیں۔فائزہ گیلانی نے اپنے ماضی سے متعلق بتایا کہ میں جب میڈیا نئی تھی حفیظ طاہر بچوں کے ڈرامے کیا کرتے تھے ہم بچے تھے تو اداکاروں کی تعریف کیا کرتے تھے تو انہوں نے کہا تھا کہ اپنے آئیڈیل کے قریب مت جانا۔ان کا کہنا تھا کہ مجھے اس وقت ان کی بات سن کر حیرت ہوئی تھی یہ کیا بات ہوئی لیکن اب احساس ہوتا ہے یہ بات ٹھیک ہے۔حاضرین کے سوال کے جواب میں فائزہ نے کہا کہ عمران اشرف کے ساتھ کام کرنے کا مزہ آیا اور لڑکیوں میں مجھے عظمیٰ حسن اور مامیہ کے ساتھ کام کرکے اچھا لگا۔
