اسلام آباد(این این آئی)وزیراعظم شہباز شریف نے ہاؤسنگ سیکٹر کی ترقی کیلئے 11 رکنی ٹاسک فورس بنادی، جو شعبے کیلئے قابل عمل ٹیکسیشن نظام تجویز کرے گی۔ اعلامیے مطابق وزیراعظم کی بنائی گئی ٹاسک فورس کے چیئرمین وزیر ہاؤسنگ اینڈ ورکس ہوں گے، دیگر ارکان میں وزیر خزانہ، وزیر مملکت ریونیو، چیئرمین ایف بی آر، ڈائریکٹر جنرل ویلفیئر شامل ہیں۔اعلامیے کے مطابق ٹاسک فورس ہاؤسنگ سیکٹر کی ترقی کیلیے فریم ورک کی سفارشات، شہری منصوبہ کی پالیسیوں اور عملی اقدامات پر تجاویز دے گی۔اعلامیے کے مطابق ٹاسک فورس ہاؤسنگ اور کنسٹرکشن سیکٹر کیلیے قابل عمل ٹیکسیشن نظام تجویز کرے گی اور ایک ماہ میں وزیراعظم شہباز شریف کو اپنی رپورٹ پیش کرے گی۔
