دبئی (این این آئی)دبئی کی معروف ریئل اسٹیٹ ڈیویلپر کمپنی، عزیزی ڈیولپمنٹس نے اپنے جدید ترین اور تاریخی منصوبے ”برج عزیزی’ ‘ کا آغاز کردیا،725 میٹر بلند یہ شاندار ٹاور دنیا کا دوسرا بلند ترین ٹاور ہوگا جو دبئی کی جدید اسکائی لائن میں ایک شاندار اضافہ ثابت ہوگا۔ اس کا باضابطہ افتتاح 18 فروری 2025 کو دبئی کے کوکا کولا ایرینا میں ایک شاندار تقریب کے دوران کیا گیا جس میں 15 ہزار سے زائد معزز مہمانوں، سرکاری حکام، سرمایہ کاروں، کاروباری رہنماؤں، سفارت کاروں اور میڈیا نمائندگان نے شرکت کی۔
اس شاندار موقع کو مزید یادگار بنانے کے لیے عالمی شہرت یافتہ گلوکارہ جینیفر لوپیز نے خصوصی پرفارمنس دی۔عزیزی ڈیولپمنٹس کے بانی اور چیئرمین، میر ویس عزیزی نے تقریب سے خطاب کرتے ہوئے کہا کہ دبئی اور دنیا بھر کے مختلف شہروں میں روزانہ کئی نئے منصوبے شروع ہوتے ہیں لیکن برج عزیزی جیسا پروجیکٹ صدیوں میں ایک بار وجود میں آتا ہے۔
میر ویس عزیزی نے کہا کہ برج عزیزی صرف ایک بلند و بالا عمارت نہیں، بلکہ دبئی کے وڑن، تعمیراتی مہارت اور عالمی قیادت کی علامت ہے،یہ منصوبہ برسوں کی محنت، لگن اور عالمی ماہرین کے تعاون کا نتیجہ ہے، جو دبئی کی ترقی اور کامیابی کی نئی علامت بنے گا،یہ شاندار ٹاور شیخ زید روڈ پر ایک مرکزی مقام پر تعمیر کیا جارہا ہے اور 2028 تک مکمل ہونے کی توقع ہے۔انہوںنے کہاکہ 131 سے زائد منزلوں پر مشتمل یہ ٹاور ایک پْرتعیش شاپنگ مال، لگژری ہوٹل، جدید سہولیات سے آراستہ رہائشی اپارٹمنٹس اور تفریحی مقامات پر مشتمل ہوگا۔ اس میں 130ویں منزل پر دنیا کی بلند ترین آبزرویشن ڈیک، 111ویں منزل پر سب سے اونچی ہوٹل لابی، 126ویں منزل پر بلند ترین نائٹ کلب، 122ویں منزل پر بلند ترین ریسٹورینٹ، اور 118ویں منزل پر سب سے اونچا ہوٹل روم شامل ہوگا۔اس پروجیکٹ میں ایک، دو اور تین بیڈ روم کے رہائشی اپارٹمنٹس بھی ہوں گے جبکہ ہر 20ویں منزل پر خصوصی سہولیات بشمول سوئمنگ پول، سوانا، جم، یوگا سینٹر، اسپا، بزنس سینٹر، سنیما، ریسٹورینٹ، کیفے اور سپر مارکیٹ شامل ہوں گی۔
اس کے علاوہ، ٹاور میں ایک خصوصی میوزیم بھی قائم کیا جائے گا، جو اس شاندار منصوبے کی تعمیراتی تاریخ کو نمایاں کرے گا۔برج عزیزی میں عالمی معیار کے سیون اسٹار ہوٹل میں مختلف ثقافتی تھیمز پر مبنی ریسٹورینٹ ہوں گے، جن میں عربی، چینی، فارسی، بھارتی، ترک، فرانسیسی اور روسی ثقافتوں کی جھلک نمایاں ہوگی۔ اس کے علاوہ، ایک خصوصی اماراتی ریسٹورینٹ، لگڑری بال روم اور ایک جدید بیچ کلب بھی ہوٹل کا حصہ ہوں گے۔میرویس عزیزی نے دبئی کی قیادت کا شکریہ ادا کرتے ہوئے کہا کہ ‘میں دل کی گہرائیوں سے متحدہ عرب امارات کے نائب صدر، وزیراعظم اور دبئی کے حکمران شیخ محمد بن راشد المکتوم کا شکر گزار ہوں، جن کی قیادت اور رہنمائی نے ہمیں یہ غیر معمولی منصوبہ مکمل کرنے کی تحریک دی۔ میں دبئی کے تمام متعلقہ حکام کا بھی شکریہ ادا کرتا ہوں، جنہوں نے اس عظیم منصوبے کو حقیقت میں بدلنے کے لیے بھرپور تعاون کیا۔ برج عزیزی محض ایک عمارت نہیں بلکہ یہ دبئی کے بڑھتے ہوئے عالمی وقار اور اس کے شاندار مستقبل کی ایک علامت ہے۔اس پروجیکٹ کی عالمی فروخت کا آغاز 19 فروری 2025 سے ہوچکا ہے اور دبئی، ہانگ کانگ، سنگاپور، سڈنی، ٹوکیو، لندن اور نیویارک سمیت دنیا کے دیگر بڑے شہروں میں سرمایہ کاروں اور خریداروں کے لیے دستیاب ہے،مزید تفصیلات www.burjazizi.com پر ملیں گی ۔
٭٭٭٭٭
