مانچسٹر (این این آئی) مسلم لیگ (ن )کے چیف کو آرڈینیٹر انٹرنیشنل آفئیرز بیرسٹر امجد ملک نے پاکستان مسلم لیگ (ن)کے رہنما اسحق ڈار کو سینٹ کی رکنیت کا حلف اٹھانے پر مبارکباد پیش کرتے ہوئے کہا ہے کہ اسحق ڈار کے آنے سے بجلی کے بلوں اور ڈالر کی اڈان نیچے لانے کی عوامی توقع ہے۔ اپنے بیان میں بیرسٹر امجد ملک نے کہاکہ آپ سب کو بہت بہت مبارک ہو، سینیٹر اسحق ڈار صاحب نے حلف اٹھا لیا۔ انہوںنے کہاکہ ڈار صاحب کا دوسرا نام سخت پیشہ وارانہ ڈسپلن، ایمانداری اور خدا خوفی، اور خزانہ کے انچارج کے طور پر مالیاتی ڈسپلن ہے، ان کے آنے سے بجلی کے بلوں اور ڈالر کی اڈان نیچے لانے کی عوامی توقع ہے۔ انہوںنے قرآن کی آیت پڑھی وتعز من تشاء وتذل من تشائ۔
