کراچی(این این آئی) پاکستان شوبز انڈسٹری کی سابقہ اداکارہ نور بخاری نے غیر تہذیبی و ثقافتی تقریبات کے بڑھتے ہوئے رجحان کو تشویش ناک قرار دیا ہے۔انسٹاگرام پر اسٹوری اپ ڈیٹ کرتے ہوئے نور بخاری نے ہیلووین کو غیر تہذیبی و ثقافتی کہتے ہوئے اسے منانے والوں پر افسوس کا اظہار کیا ہے۔انہوں نے انسٹا اسٹوری میں لکھا کہ ‘جتنا پاکستانیوں نے ہیلووین کو منایا ہے، وہ کافی تشویشناک ہے۔ یہ ہماری تہذیب و ثقافت کا حصّہ بنتا جا رہا ہے۔یاد رہے کہ دو روز قبل کراچی میں ہونے والی ہیلووین پارٹی میں شوبز انڈسٹری کی کئی شخصیات نے شرکت کی تھی۔ہیلووین پارٹی کی تقریب سے وائرل ہونے والی تصاویر میں یاور اقبال کو بشریٰ بی بی کے گیٹ اپ پر کڑی تنقید کا سامنا کرنا پڑا تھا۔
٭٭٭٭٭٭
