قاہرہ(این این آئی )مصر میں شرم الشیخ میں منعقد COP27 موسمیاتی کانفرنس کے موقع پر برطانوی وزیر اعظم رشی سوناک نے خلیجی ریاستوں کے ساتھ اپنے ملک کے تعلقات کی اہمیت پر زور دیا اور ان کے ساتھ تجارتی تعلقات میں پیش رفت حاصل کرنے کی اپنی خواہش کا اظہار کیا۔میڈیارپورٹس کے مطابق اپنے بیانات میں انہوں نے کہا کہ ان کا ملک خلیجی ریاستوں کے ساتھ اپنے اہم اور تاریخی تعلقات میں خوش قسمت ہے۔ انہوں نے مزید کہا کہ ان تعلقات کو دفاع سے آگے بڑھ کر اقتصادی تعاون تک جانا چاہیے۔جہاں تک ایرانی مسئلے کا تعلق ہے انہوں نے ایران کے حوالے سے اپنے ملک کے شراکت داروں سے مشاورت کی ضرورت کا حوالہ دیا اور کہا کہ ایرانی طرز عمل خطے کو غیر مستحکم کر رہا ہے۔انہوں نے یہ بھی وضاحت کی کہ تہران نے پہلے جوہری معاہدے کو قبول نہیں کیا تھا ۔ نوجوان خاتون مہسا امینی کے قتل کے بعد ستمبر کے وسط سے مظاہرے کرنے والے مظاہرین کو دبانے سے صورتحال پیچیدہ ہو گئی ہے۔روس یوکرین مسلہ کے حوالے سے ان کا کہنا تھا کہ روس کے یوکرین پر حملے نے صاف توانائی کی منتقلی کو ناگزیر بنا دیاانہوں نے اس بات پر بھی غور کیا کہ کئیف سے اس وقت مذاکرات کے لیے کہنا مناسب نہیں ہے جب اس پر حملہ ہو رہا ہے۔وہ سابقہ امریکی معلومات اور رپورٹس کے حوالے سے بات کر رہے تھے جن میں یہ تجویز کیا گیا تھا کہ واشنگٹن نے یوکرین پر زور دیا کہ وہ ماسکو کے ساتھ مذاکرات کی میز پر واپس آئے۔موسمیاتی سربراہی اجلاس اور عالمی ماحولیاتی بحران کے بارے میں انہوں نے زور دیا کہ موسمیاتی تبدیلی کو محدود کرنے کے اقدامات کیے بغیر خوشحالی نہیں ہو گی۔یاد رہے 18 نومبر تک جاری رہنے والے کانفرنس کے صدارتی اجلاس کے آغاز میں تقریبا 200 عالمی رہنماں نے اجلاس میں شرکت کی، بیشتر مقررین نے کانفرنس کے پہلے عالمی سطح پر کام کرنے کی ضرورت پر زور دیا ۔
