میونخ (این این آئی) سی پی سی کی مرکزی کمیٹی کے پولیٹیکل بیورو کے رکن اور سینٹرل فارن افیئرز کمیشن کے دفتر کے ڈائریکٹر وانگ ای نے میونخ سیکیورٹی کانفرنس میں شرکت کے دوران پاکستانی وزیر خارجہ بلاول بھٹو زرداری سے ملاقات کی۔ہفتہ کے روز چینی میڈ یا کے مطا بق وانگ ای نے کہا کہ چین اور پاکستان چاروں موسموں کے اسٹریٹجک پارٹنر ہیں اور فریقین کے درمیان دوستی چٹان کی مانند مضبوط ہے۔ چین دونوں ممالک کے رہنماں کے درمیان طے شدہ اسٹریٹجک اتفاق رائے پر عمل درآمد کے لیے پاکستان کے ساتھ مل کر کام کرنے اور نئے دور میں ہم نصیب معاشرے کی تعمیر کا خواہاں ہے۔ چین سلامتی اور استحکام کو برقرار رکھنے اور ترقی و احیا کے حصول میں پاکستان کی بھرپور حمایت کرتا ہے اور اپنی صلاحیت کے مطابق پاکستان کو درپیش عارضی مشکلات پر قابو پانے میں مدد فراہم کرنے پر آمادہ ہے۔بلاول بھٹو زرداری نے پاک چین تعلقات کی ترقی پر اطمینان کا اظہار کیا ۔انہوں نے اس بات پر زور دیا کہ چین پاکستان کا ہر وقت کا دوست ہے اور چین کے ساتھ تعلقات کی مضبوطی اور سی پیک کی تعمیر کو فروغ دینا پاکستان کی خارجہ پالیسی کا ایک اہم ستون ہے۔ پاکستان دہشت گردی کا ڈٹ کر مقابلہ کرے گا اور پاکستان میں چینی اداروں اور شہریوں کے تحفظ کے لیے ہر ممکن کوشش کرے گا۔فریقین نے موجودہ بین الاقوامی صورتحال میں باہمی تعاون کو مضبوط بنانے پر بھی تبادلہ خیال کیا۔ وانگ ای نے نشاندہی کی کہ چین کا سویلین بغیر پائلٹ والا ہوائی جہاز راستے سے ہٹ کر نادانستہ طور پر امریکہ کی فضائی حدود میں داخل ہوا ۔امریکہ کو اس حادثاتی واقعے سے تحمل، منطقی اور پیشہ ورانہ انداز سے نمٹنا چاہیے تھا۔ تاہم، امریکہ نے بنیادی حقائق کو نظر انداز کرتے ہوئے طاقت کا غلط استعمال کیا ، حد سے زیادہ ردعمل دکھایا اور بڑھا چڑھا کر تشہیر کی ،جو یہ ظاہر کرتا ہے کہ چین کے بارے میں امریکی تعصب اور لاعلمی مضحکہ خیز سطح تک پہنچ چکی ہے۔ چین مطالبہ کرتا ہے کہ امریکہ اس مسئلے کو حل کرنے میں خلوص کا مظاہرہ کرے اور داخلی سیاسی ضروریات کے تابع اس طرح کے مضحکہ خیز فعل سے باز رہے۔
مقبول خبریں
پی آئی اے کی نجکاری نومبر میں کر دی جائیگی ، وفاقی وزیر خزانہ
اسلام آباد(این این آئی)وفاقی وزیر خزانہ محمد اورنگزیب نے کہا ہے کہ پی آئی اے کی نج کاری نومبر میں کر دی جائے گی،...
جسٹس منصور علی شاہ کا چیف جسٹس کو خط، مخصوص بینچ میں بیٹھنے سے...
اسلام آباد(این این آئی)سپریم کورٹ کے جج جسٹس منصور علی شاہ نے مخصوص بینچ میںبیٹھنے سے معذرت کر لی۔میڈیارپورٹ کے مطابق جسٹس منصور علی...
یو این چارٹر کا منصفانہ طریقے سے نفاذ بڑا چیلنج ہے،شہباز شریف
اسلام آباد(این این آئی)وزیراعظم شہباز شریف نے کہاہے کہ یو این چارٹر کا منصفانہ طریقے سے نفاذ بھی ایک بڑا چیلنج ہے۔شہباز شریف نے...
آرمی چیف کا پاک فضائیہ کے آپریشنل ایئر بیس کا دورہ، مشق انڈس شیلڈ...
راولپنڈی(این این آئی)آرمی چیف جنرل سید عاصم منیر نے پاک فضائیہ کے آپریشنل ایئر بیس کا دورہ کیا ہے۔آئی ایس پی آر کے مطابق...
پاکستان کو پولیو سے پاک بنانا اولین ترجیح ہے،فیصل کریم کنڈی
پشاور(این این آئی)گورنر خیبر پختونخوا فیصل کریم کنڈی نے کہاہے کہ پاکستان کو پولیو سے پاک بنانا اولین ترجیح ہے۔نے پولیو کے عالمی...