لاہور(این این آئی)پاکستان فلم انڈسٹری کی معروف ما ڈل واداکارہ نادرہ چودھری کی نئی پنجابی فلم ”گجرنمبر ون ”10مارچ کو سینما گھروں کی زینت بنے گی،تفصیلات کے مطابق اداکارہ نادرہ چودھری کی نئی پنجابی فلم ”گجر ویر ”کے بعد ”گجر نمبر ون ”10مارچ کو نمائش کے لئے پیش کی جا رہی ہے،ایک ملاقات کے دوران نادرہ چودھری نے میڈیا سے گفتگوکرتے ہوئے بتایا کہ اس فلم میں میرا کردار اہمیت کا حامل ہے جو یقینا شائقین کو بے حد پسند آ ئے گا ،انہوں نے کہا کہ ”گجر نمبر ون ” ریکارڈ ٹائم میں تیار کی جانے والی فلم ہے ۔مذ کورہ فلم میں تمام فنکاروں نے دل و جان سے محنت کی ہے میرے ساتھ ساتھی فنکاروں میں حیدر گجر ،ڈاکٹر سلمان ،سحر ملک ،شفتت چیمہ اور صائمہ خان کے علاوہ بہت سے فنکارشامل ہیں جو اپنے فن کے ساتھ سینما سکرین پر جلوہ گر ہو رہے ہیں ،مذکورہ فلم کے ہدائیتکار رانا اشرف ،فلم ساز خلیل گجر ،خادم گجر ،مبارک گجر ہیں ۔
