اسلام آباد (این این آئی )وفاقی وزیر اطلاعات و نشریات مریم اورنگزیب نے کہا ہے کہ مکافات عمل کیا ہوتا ہے آج قوم کو نظر آ رہا ہے، دوسروں کی بیماری کا مذاق اڑانے والا آج وہیل چیئر پر بیٹھ کر عدالت نہ جانے کا بہانہ بنا رہا ہے، کلثوم نواز کی بیماری اور پھر موت، نواز شریف کی بیماری اور شہباز شریف کی کمر درد کا مذاق اڑانے والا آج وہیل چئیر پر بیٹھ کر جھوٹ بول رہا ہے،عمران خان کو جس جس سے خطرہ ہے عدالت جا کر ثبوت دیں ورنہ اپنا منہ بند رکھیں۔ جمعرات کو اپنے بیان میں وفاقی وزیر اطلاعات مریم اورنگزیب نے عمران خان کو چیلنج کیا کہ انہیں جس جس سے خطرہ ہے عدالت جا کر ثبوت دیں ورنہ اپنا منہ بند رکھیں۔ مریم اورنگزیب کہا کہ فارن ایجنٹ بہروپیا ہے جو حالات کے مطابق سکرپٹ اور حلیہ بنا لیتا ہے، گرفتاری کے ڈر سے وہ چارپائی کے نیچے اور ضمانت خارج ہونے کے ڈر سے وہیل چیئر کا ڈرامہ رچاتا ہے۔ انہوں نے کہا کہ فارن ایجنٹ کے پائوں پر دبائو نہیں، ان کے دماغ پر سازشی دبائوہے۔ مریم اورنگزیب نے کہا کہ وہیل چیئر پر بیٹھ کر الزام لگانے کی بجائے وہ عدالت جا کر ثبوت پیش کریں کہ ان کی جان کو کس کس سے خطرہ ہے۔ انہوں نے کہا کہ عمران خان کو خطرہ اب صرف فارن فنڈنگ، توشہ خانہ، ٹیریان کیس سے ہے اس لئے گولی، پلستر، ڈبے، وہیل چیئر اور الیکشن کا بہانا بنا رہے ہیں۔ انہوں نے کہا کہ عمران خان کو جب بھی عدالت بلاتی ہے تو وہ گولی، پلستر، معذوری، بالٹی ڈبہ کا بہانہ بناتے ہیں اور اب وہیل چیئر کا ڈرامہ رچا رہے ہیں۔ انہوں نے کہا کہ عمران خان نے پہلے اپنی حکومت ہٹانے کا ملبہ امریکا پر ڈالا، سائفر کا ڈرٹی کھیل کھیلا، پھر امریکا سے معافی مانگ کر جنرل باجوہ، پھر آصف علی زرداری اور پھر محسن نقوی پر ملبہ ڈال دیا۔ انہوں نے کہا کہ عمران خان نے چار سال کی ناکامیوں اور اسمبلیاں توڑنے کا ملبہ جنرل باجوہ پر ڈالا، شہدا، اداروں اور ان کی قیادت کے خلاف اندرون و بیرون ملک غلیظ مہم چلانے والا پھر الزام تراشی کر رہا ہے۔ انہوں نے کہا کہ عمران خان قوم کو گھروں سے نکالنے سے پہلے خود تو گھر سے باہر نکلیں۔ پہلے کالی بالٹی سے منہ تو باہر نکالنے کا اعلان کریں، پھر قوم کو باہر نکالنے کا اعلان کریں۔ انہوں نے کہا کہ چیف جسٹس کی تصویر پر جوتے مارنے کے لئے بھی باہر نکلنے کی کال عمران خان نے دی تھی۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...