اسلام آباد (این این آئی)پی ڈی ایم کے ترجمان حافظ حمد اللہ نے کہاہے کہ عمران خان ہر روز جو کہتا ہے، اگر ہم میں سے کسی نے ایک دن کہا ہوتا تو اب تک کالے پانی کی سزا مل چکی ہوتی۔ اپنے بیان میں حافظ حمد اللہ نے کہاکہ عمران نیازی نے آج تک کسی الزام کا ثبوت نہیں دیا، ادارے اور عدالت کیوں ثبوت نہیں مانگتے۔انہوںنے کہاکہ عمران نیازی کے سنگین الزامات پر عدلیہ اور ادارے ”صم بم عمی فہم لا یرجِعون”کی تصویر کیوں بنے ہوئے ہیں؟ ۔ انہوںنے کہاکہ عمران نیازی کے سامنے قانون کی بے بسی این آر او نہیں تو اور کیا ہے؟ ،عمران مسلمہ کذاب ثابت ہوچکا ہے لیکن آئین کے آرٹیکل 62 اور 63 نے اب تک عدالت کے دروازے پر دستک نہیں دی؟ ۔ انہوںنے کہاکہ ٹیرین کے ابو کو جان کا نہیں مال کا خطرہ ہے، توشہ خانہ، فارن فنڈنگ، عدت میں نکاح کے مقدمات سے خطرہ ہے ،اسلام کی رو سے ٹیرین کا کیس ناقابل معافی جرم ہے ۔ انہوںنے کہاکہ ریلیاں نکالنے کا مطلب ہے کہ پی ٹی آئی حکومت سے مذاکرات میں سنجیدہ نہیں۔ انہوںنے کہاکہ مکافات عمل ہے کہ آج وہیل چئیر پر وہ بیٹھا ہے جو سیاسی مخالفین کی بیماری کا مذاق اڑاتا تھا۔
