گوا(این این آئی)وزیر خارجہ بلاول بھٹو زرداری نے بھارت کے شہر گوا میں شنگھائی تعاون تنظیم (ایس سی او)کے وزراخارجہ کونسل کے اجلاس کے موقع پر تاجکستان کے وزیر خارجہ سراج الدین مخرالدین سے ملاقات کی۔ جمعہ کو دفتر خارجہ کے مطابق ملاقات میں باہمی دلچسپی کے امور پر تفصیلی تبادلہ خیال کیا گیا۔ دونوں وزراخارجہ نے اقتصادی تعلقات کو مزید مضبوط بنانے خاص طور پر کاسا 1000 سمیت رابطوں کے منصوبوں کی جلد تکمیل پر بھی اتفاق کیا۔
