اسلام آباد (این این آئی)پاک فوج کے شعبہ تعلقات عامہ (آئی یس پی آر) کی جانب سے جاری اعلامیے پر پاکستان تحریک انصاف نے اپنے بیان میں کہاہے کہ آئی ایس پی آر کا اعلامیہ زمینی صورتحال کے ادراک پر مبنی نہیں۔تحریک انصاف کی جانب سے جاری اعلامیے میں کہا گیا کہ آئی ایس پی آر کا اعلامیہ زمینی صورتحال کے ادراک پرمبنی نہیں، ہم انتخابات میں مداخلت اور دھاندلی سے عوام کیحقِ حاکمیت پر ڈاکیکے مخالف رہے۔بیان میں کہا گیا کہ چیئرمین پی ٹی آئی کے سیاسی نظریے اور فلسفیکو عوام میں غیر معمولی تائید ملی، پی ٹی آئی اپنی ساخت، نظریے اور منشورکے اعتبار سے ایک جمہوری جماعت ہے جو پرامن، غیرمتشدد اور آئین و قانون پرکاربند رہ کر مقاصد کے حصول پریقین رکھتی ہے، پارٹی نے ہمیشہ آئین و قانون سے انحراف کی حوصلہ شکنی کی ہے۔
