ممبئی (این این آئی)عالیہ بھٹ اور رنویر سنگھ اپنی نئی فلم ”راکی اور رانی کی پریم کہانی” کی پروموشن میں مصروف ہیں، اور اس سلسلے میں مختلف شہروں کا دورہ کر رہے ہیں۔ عالیہ نے دہلی کی تصاویر شیئر کیں جس میں دونوں ہی نہایت اسٹائلش لگ رہے ہیں۔عالیہ بھٹ نے فلم میں اپنے کردار رانی کی طرح ساڑھی پہنی جبکہ رنویر سنگھ سیاہ سوٹ پہنے ہوئے تھے۔اداکارہ نے تصاویر شیئر کرتے ہوئے کیپشن دیا کہ دل والی دہلی میں اپنی کہانی لے کر آئے ہیں راکی اور رانی۔گزشتہ روز بھی عالیہ نے ودودارا شہر میں منعقدہ پروموشنل ایونٹ کی تصاویر شیئر کی تھیں۔رنویر کا کہنا ہے کہ یہ فلم”کبھی خوشی کبھی غم” کے جیسی ہے، کرن جوہر اسی سنیما کو واپس لانا چاہتے ہیں جو ہم دیکھ کر بڑے ہوئے ہیں۔خیال رہے کہ”راکی اور رانی کی پریم کہانی” کے ہدایت کار اور پروڈیوسر کرن جوہر ہیں۔
