اسلام آباد (این این آئی)پی ڈی ایم کے ترجمان حافظ حمداللہ نے سائفر کا جھوٹ گھڑنے والوں کے خلاف آرٹیکل 6کے تحت کارروائی کا مطالبہ کرتے ہوئے کہاہے کہ سائفر اپوزیشن نہیں، پاکستان کے خلاف سازش تھی ،اعظم خان کے اعتراف کے بعد ”میرجعفر” کے خلاف آرٹیکل 6 کے تحت کارروائی کی جائے ۔ اپنے بیان میں انہوںنے کہاکہ چار سال پاکستان پر مسلط سیاسی دجال نے معیشت اور قومی مفادات سے غداری کی ۔ انہوںنے کہاکہ غداری کے سرٹیفیکیٹ بانٹنے والا خود ہی غدار نکلا ۔ انہوںنے کہاکہ سپریم کورٹ نے پارلیمنٹ توڑنے کو آئین شکنی قرار دیا تھا، آئین شکن کی سزا آرٹیکل 6 ہے ۔ انہوںنے کہاکہ مولانا فضل الرحمن کی کہی ہوئی ایک ایک بات سچ نکلی ۔ انہوںنے کہاکہ اسرائیلی ایجنٹ نے پاکستان کے دنیا کے ساتھ خارجہ تعلقات تباہ کرنے کے لئے سائفر گھڑا تھا۔
