لاہور (این این آئی)پاکستان کے معروف ادیب، عظیم افسانہ نگار اشفاق احمد کا 98واں یوم پیدائش(کل)22اگست کومنایا جائے گا۔اردو کے نثر نگاراور ڈرامہ نگار اشفاق احمد 22اگست1925ء کو پیدا ہوئے انہوںنے ریڈیو پاکستان کے پروگرام ”تلقین شاہ” سے شہرت حاصل کی ان کا شمار ملک کے ان نامور ادیبوں میںہوتا ہے جو کہ قیام پاکستان کے بعد ادبی دنیا میں اہم ترین مقام رکھتے تھے ان کے ایک معروف افسانے ”گدڑیا” کو بے پناہ پزیرائی حاصل ہوئی انہوں نے اپنے افسانوں میں اردو کے ساتھ پنجابی زبان کے الفاظ کو تخلیقی طور پر استعمال کیا۔اشفاق احمد کے ابتدائی افسانوں میں ”ایک محبت سو افسانے” اور ا ”اجلے پھول” نمایاں ہیں جبکہ دیگر افسانوں میں ”بند گلی، ایک محبت سو ڈرامے،گلدان،حیرت کدہ،کھیل تماشہ،من چلے کا سودا اور دیگر قابل ذکر ہیں۔اشفاق احمد جنرل ضیاء الحق کے دور حکومت میںوزارت تعلیم کے مشیر بھی مقرر کیے گئے وہ 7ستمبر 2004ء کو علالت کے باعث 79برس کی عمر میں انتقال کر گئے تھے۔
