لانچو (این این آئی) چینی کمپنی اور گلگت بلتستان کے درمیان صوبے کو زرعی ٹیکنالوجی اور مشینری کی منتقلی کے لیے مفاہمت کی یادداشت پر دستخط ہو گئے ، اس تعاون کا مقصد مشترکہ طور پر سلج پروسیسنگ اور لائیو سٹاک انڈسٹری کی ترقی کیلئے نئے مواقع تلاش کرنا ہے۔ گوادر پرو کے مطابق پاکستان کے صوبہ گلگت بلتستان کے سرکاری عہدیداروں اور زرعی ماہرین کے ایک وفد نے چین کے شہر لانچو کا دورہ کیا۔ انہوں نے مقامی کاروباری اداروں کے دورے کیے اور تعاون کے امکانات کو تلاش کرنے کے لئے ایکسچینج میٹنگز کا انعقاد کیا۔ گانسو اکیڈمی آف مکینیکل سائنس کے ماتحت ادارے جنکی فینگ کمپنی کے دورے کے دوران پاکستانی وفد نے پروڈکشن بیس کا دورہ کیا اور کمپنی کی فلیگ شپ مصنوعات اور زرعی پیداوار میں ان کی وسیع ایپلی کیشنز کے بارے میں جامع معلومات حاصل کیں۔ کمپنی نے سلج ہارویسٹنگ آلات کے مکمل آپریشنل ماڈل کا بھی مظاہرہ کیا جسے وہ پاکستان میں نمائش اور فروغ دینے کا ارادہ رکھتے ہیں ، جس نے وفد کے ممبران میں بہت دلچسپی پیدا کی۔ گوادر پرو کے مطابق اس کے بعد، مستقبل کے تعاون کے ماڈلز اور مخصوص منصوبوں پر تفصیلی تبادلہ خیال کیا گیا جس کے نتیجے میں معاہدوں کا ایک سلسلہ شروع ہوا. وفد نے جنکی فینگ کمپنی کے ساتھ زرعی آلات میں خاطر خواہ تعاون کی توقع کا اظہار کیا جس کا مقصد پاکستان میں زراعت کو جدید بنانا ہے۔ انہوں نے کہا کہ گانسو اور گلگت بلتستان کے درمیان جغرافیہ اور موسم میں مماثلت اس تعاون کو خاص طور پر ممکن بنائے گی۔ گلگت بلتستان کے محکمہ زراعت کے ایک نمائندہ رکن نے کہا کہ کاشتکاری کے جدید طریقوں کو اپنانے سے زرعی پیداوار کو مثر طریقے سے بہتر بنایا جاسکتا ہے۔ گوادر پرو کے مطابقانہوں نے کہا کہ مستقبل میں ہم پاکستان کے ساتھ تعاون میں اپنی سرمایہ کاری میں اضافہ جاری رکھیں گے، مصنوعات کے معیار اور تکنیکی صلاحیتوں میں اضافہ کریں گے۔ مزید برآں، جنکی فینگ کمپنی کے سربراہ نے کہا ہم پاکستان میں سیلیج آلات کو وسیع پیمانے پر اپنانے اور نافذ کرنے کو فروغ دینے کی کوشش کریں گے۔گوادر پرو کے مطابق تبادلے کے بعد گلگت بلتستان کو زرعی ٹیکنالوجی اور مشینری کی منتقلی کے لیے مفاہمت کی یادداشت پر دستخط کیے گئے۔ اس تعاون کا مقصد مشترکہ طور پر سلج پروسیسنگ اور لائیو سٹاک انڈسٹری کی ترقی کے لئے نئے مواقع تلاش کرنا ہے۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...