دمشق(این این آئی)شام میں مختلف دیہی علاقوں میں عسکری کارروائیوں کا سلسلہ جاری ہے۔ داعش تنظیم گھات لگا کر اور دھماکوں اور اچانک حملوں کے ذریعے بشار حکومت کی فوج اور اس کی ہمنوا ملیشیاں کا خون بہانے کے درپے ہے۔ تنظیم حلب، حماہ اور الرقہ کے تکون میں پوری طرح پھیلی ہوئی ہے جب کہ الرقہ ، حمص اور دیر الزور کے دیہی علاقوں میں نسبتا کم صورت میں سرگرم ہے۔دوسری جانب بشار کی فوج داعش تنظیم کی سرگرمیوں پر روک لگانے کی کوششوں میں مصروف ہے۔ اس دوران بشار کی فوج کو اپنے اور روسی جنگی طیاروں کی فضائی سپورٹ حاصل ہے۔ یہ لڑاکا طیارے روزانہ داعش کے درجنوں ٹھکانوں پر حملے کرتے ہیں۔میڈییارپورٹس کے مطابق شام میں انسانی حقوق کے نگراں گروپ المرصد نے کہا کہ رواں ماہ دسمبر کے آغاز سے اب تک فریقین نے بھاری جانی نقصان اٹھایا ۔ اس دوران بشار کی فوج اور اس کی ہمنوا ملیشیائوں کے 64 عناصر ہلاک ہوئے جب کہ داعش تنظیم کے 39 ارکان مارے گئے۔ فریقین کے زخمیوں کی تعداد درجنوں میں ہے جن میں بعض کی حالت تشویش ناک ہے۔ لہذا ہلاکتوں کی تعداد بڑھنے کا اندیشہ ہے۔ المرصد کے مطابق اس دوران لبنانی تنظیم حزب اللہ کا ایک رکن بھی ہلاک ہوا۔اس طرح مارچ 2014 سے اب تک بشار کی فوج اور اس کے ہمنوا شامی اور غیر شامی مسلح عناصر کی مجموعی ہلاکتیں 1084 تک پہنچ گئی ہیں۔ ان میں دو روسیوں کے علاوہ ایران نواز ملیشیاں کے 145 غیر شامی مسلح ارکان بھی شامل ہیں۔ یہ تمام افراد فرات کے مغرب میں اور دیر الزور، الرقہ ، حمص اور السویدا کے دیہی علاقوں میں داعش تنظیم کی گھاتوں ، حملوں اور دھماکوں میں مارے گئے۔اسی طرح المرصد نے داعش تنظیم کی کارروائیوں میں گیس فیلڈز میں کام کرنے والے 4 کارکنان، 11 چرواہوں اور ایک شامی خاتون شہری کی ہلاکت کی بھی تصدیق کی ہے۔ المرصد کے مطابق اسی مدت کے دوران شامی فوج اور روسی طیاروں کے حملوں اور بم باری میں داعش تنظیم کے 601 ارکان مارے گئے۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...