اسلام آباد (این این آئی) وزیر خزانہ عبدالحفیظ شیخ نے آسٹریلیا کیساتھ ہر شعبے میں باہمی تعاون کو فروغ دینے کی ضرورت پر زور دیا ہے۔ تفصیلات کے مطابق وزیر خزانہ عبدالحفیظ شیخ سے آسٹریلیا کے ہائی کمیشنر ڈاکٹر جیفری شا اورچوئل نے ملاقات کی ۔دونوں رہنمائوں نے کورونا سے نمٹنے کیلئے ایک دوسرے کے ساتھ تعاون جاری رکھنے کے عزم کا اظہار کیا۔وزیر خزانہ نے آسٹریلوی حکومت اور عوام کے پاکستان کیلئے تعاون کو سراہا۔آسٹریلوی ہائی کمیشنر نے کہا کہ پاکستان علاقائی مارکیٹ کی وسط میں واقع ہونے کے ساتھ بڑی آبادی کا حامل ہے۔ انہوں نے کہا کہ پاکستان وسائل سے مالا مال اور یہاںتجارت کے بے پناہ مواقع موجود ہیں۔وزیر خزانہ نے ہر شعبے میں باہمی تعاون کو فروغ دینے کی ضرورت پر زور دیا۔
