کراچی (این این آئی)پاکستان شوبز انڈسٹری کی سابقہ اداکارہ سارہ چوہدری کہتی ہیں کہ قرآن پاک کی تعلیم حاصل کرنا سانس لینے سے بھی زیادہ ضروری ہے۔سال 2011 میں اسلام کی خاطر شوبز انڈسٹری سے کنارہ کشی اختیار کرنے والی سابقہ اداکارہ سارہ چوہدری نے اپنی انسٹاگرام اسٹوری میں دین کی تعلیم سے متعلق ایک معنی خیز پیغام جاری کیا ہے۔سارہ چوہدری نے اپنی انسٹا اسٹوری میں تمام صارفین سے سلام کرتے ہوئے کہا کہ ‘فتنوں سے بھرے اس دور میں قرآن پاک کی تعلیم حاصل کرنا سانس لینے سے بھی زیادہ ضروری ہے۔’سابقہ اداکارہ نے کہا کہ قرآن پاک کی تعلیم سے مراد ہے کہ اْسے تفسیر اور ترجمے کے ساتھ پڑھا جائے۔اْنہوں نے آنے والی نئی نسلوں کے لیے دْعا کرتے ہوئے کہا کہ ‘اللّہ تعالیٰ ہماری آنے والی نئی نسلوں کے ایمان کی حفاظت فرمائے اور اْنہیں دینِ حق کی ہدایت عطا فرمائے، آمین۔یاد رہے کہ اس سے قبل سابقہ اداکارہ سارہ چوہدری نے انسٹاگرام پر اپنی ایک خوبصورت فیملی فوٹو شیئر کی تھی۔سارہ چوہدری کی جانب سے شیئر کی گئی تصویر میں وہ پاکستان کے پہاڑی علاقے میں موجود تھیں جبکہ اْن کے ساتھ اْن کے شوہر، دو بیٹوں اور بیٹی کو بھی دیکھا جاسکتا ہے۔انسٹاگرام پر تصویر شیئر کرتے ہوئے سارہ چوہدری نے کیپشن میں لکھا تھا کہ ‘مجھے نہیں لگتا کہ اْس معیاری وقت سے زیادہ کچھ خاص ہوگا جو آپ اپنی فیملی کے ساتھ گْزارتے ہو۔واضح رہے کہ سارہ چوہدری ماضی میں پاکستان شوبز انڈسٹری کی معروف اداکارہ تھیں اور پھر انہوں نے اسلام کی خاطر شوبز انڈسٹری کو خیر باد کہہ دیا تھا۔ جیو انٹرٹینمنٹ پر اْن کا مقبول ترین ڈراما ‘تیرے پہلو میں’ تھا۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...