لاہور(این این آئی) پاکستان مسلم لیگ (ن)کی نائب صدر مریم نواز نے کہا ہے کہ مچھ میں فرقہ ورانہ دہشت گردی کی قابل مذمت واردات وفاقی اور صوبائی حکومت کی سنگ دلی، بے حسی اور نا اہلی کا منہ بولتا ثبوت ہے ۔ ٹوئٹر پر اپنے بیان میں انہوں نے کہا کہ انہیں نہ کام آتا ہے اور نہ ہی زخموں پر مرحم رکھنا آتا ہے ،ایسی حکومت کو عوام پر مسلط رہنے کا کوئی حق نہیں ،پوری قوم کی ہمدردیاں اپنے مظلوم بھائیوں کے ساتھ ہیں۔
