پیرس(این این آئی)جرمنی، برطانیہ اور فرانس نے سعودی ایئر پورٹ پر حوثی باغیوں کے حملے کی مذمت کی ہے۔غیرملکی خبررساں ادرے کے مطابق مشترکہ اعلامیے میں کہا گیا کہ حملہ عالمی قانون کی خلاف ورزی ہے۔ آبادی والے علاقوں کو نشانہ بنانے کے واقعات پر تشویش کا اظہار بھی کیا۔واضح رہے کہ دو روز قبل عرب اتحادی افواج نے ابھا ایئرپورٹ اور شہری آبادی پر حوثیوں کے ڈرون حملے ناکام بنانے کا دعوی کیا تھا۔
