اسلام آباد (این این آئی) ڈپٹی چیئرمین سینیٹ سلیم مانڈی والا نے کہا ہے کہ نیب کو نجی کاروباری ٹرانزیشن سے دور رہنا چاہیے،نجی کیسز میں عوام کو تنگ اور ہراساں کرنا بند کیا جائے ، سینیٹ انتخابات میں کچھ بھی ہو سکتا ہے،سب نمبر گیم کا چکر ہے، یوسف رضا گیلانی کامیاب ہونگے ۔احتساب عدالت اسلام آباد کے باہر ڈپٹی چیئرمین سینیٹ سلیم مانڈی والا نے میڈیا سے گفتگو کرتے ہوئے کہا کہ ہم ہمیشہ سے عدلیہ کا احترام کرتے ہیں اور عدالتوں میں پیش ہوتے ہیں۔ انہوںنے کہاکہ سینیٹر مشاہد اللہ کی وفات کی خبر سے بہت دکھ پہنچا ہے۔انہوںنے کہاکہ کیس سے متعلق یہی کہوں گا میرا کیس نجی ٹرانزیکشن کا کیس ہے، نیب جب تک یہ نجی کیسز کرے گا عوام کا نقصان ہو گا۔ انہوںنے کہاکہ نیب کو نجی کاروباری ٹرانزیشن سے دور رہنا چاہئے،نیب نجی کیسز میں عوام کو تنگ اور ہراساں کرنا بند کرے۔ ایک سوال کے جواب میں ڈپٹی چیئرمین سینیٹ سلیم مانڈوی والا کا کہنا تھا نیب متاثرہ خاتون طیبہ نے ابھی ہمیں درخواست دی ہے جسے دیکھیں گے۔اس کے بعد دیکھا جائے کہ کیس کس نوعیت کا ہے۔ سینیٹ انتخابات کے حوالے سے ڈپٹی چیئرمین سینیٹ سلیم مانڈوی والا نے کہاکہ سینیٹ انتخابات میں کچھ بھی ہو سکتا ہے،سب نمبر گیم کا چکر ہے، دیکھنا ہو گیا سینیٹ انتخابات کے لئے کون کتنی تیاری کرتا ہے۔ پی ڈی ایم امیدوار یوسف رضاگیلانی پر الیکشن کمیشن نے کوئی اعتراض نہیں لگایا،یوسف رضاگیلانی سینیٹ انتخابات میں حصہ لیں گے اور کامیاب ہوں گے۔
