لاہور (این این آئی)معروف گلوکارہ آئمہ بیگ کی بہن کومل بیگ کی شادی کی تقریب میں تیاریوں، ہلے گلے، شور شرابے، کے سوشل میڈیا پر چرچے ہیں۔مختلف فوٹوگرافی اور انٹرٹینمنٹ کے حوالے سے خبریں دینے والے پیجز پر آئمہ بیگ کی تصاویر و ویڈیوز شیئر کی جارہی ہیں۔کومل بیگ کی شادی کی تقریب میں آئمہ بیگ کے منگیتر شہباز شگری نے بھی شرکت کی، آئمہ اور شہباز کے ایک ساتھ دل لبھانے والے انداز بھی مداحوں کو خوب بھائے ہیں۔آئمہ بیگ نے بہن کی شادی کی تقریب میں فْل ایمابراڈڈ براؤن اور لال مِکس رنگ کی فراک کا انتخاب کیا، ہلکے میک اپ ، ماتھے پر ٹیکے اور ہاتھ میں چوڑیوں نے گلوکارہ کی تیاری کو چار چاند لگا دیئے۔شادی کی تقریب میں ہنسی مذاق اور ہلے گلے سے قطع نظر آئمہ بیگ بہن کی رخصتی کے وقت خوب روئیں۔کومل بیگ کی شادی کی تقریب کی کچھ جھلکیاں آپ بھی دیکھیں۔
