پشاور(این این آئی)خیبر پختونخوا کے مشیر اطلاعات بیرسٹر محمد علی سیف نے کہاہے کہ افغانستان کی صورتحال کا براہ راست اثر خیبر پختونخوا اور قبائلی اضلاع پر پڑتا ہے۔ بیرسٹر سیف نے اپنے ایک بیان میں کہا کہ قبائلی اضلاع میں امن و امان کا مسئلہ درپیش ہے، جسے حل کرنا خیبر پختونخوا حکومت کی ذمہ داری ہے۔انہوں نے کہا کہ خیبر پختونخوا حکومت کو سفارتی تعلقات اور قانونی پیچیدگیوں کا بخوبی ادراک ہے۔انہوںنے کہاکہ صوبائی حکومت افغانستان کے ساتھ مذاکرات کیلئے ٹی او آرز تیار کرکے وفاقی حکومت کو منظوری کیلئے بھیجے گی۔
