منیلا(این این آئی )فلپائن میں سمندری طوفان وامکو کے باعث ترپن افراد ہلاک ہو گئے ۔غیرملکی خبررساں ادارے کے مطابق تیز ہوائوں، سیلاب اور مٹی کے تودے گرنے سے مزید بائیس افراد ابھی لاپتہ بھی ہیں۔ غیرملکی خبررساں ادارے کے مطابق یہ طوفان فلپائنی علاقوں سے ٹکرایا، جس کے بعد سے ملک کے شمالی علاقوں میں نظام زندگی درہم برہم ہو کر رہ گیا ہے۔ دارالحکومت منیلا اور آس پاس کے علاقے بھی شدید متاثر ہوئے ۔ چار لاکھ افراد اپنے گھر چھوڑ کر محفوظ مقامات پر پناہ لینے پر مجبور ہوئے ہیں۔
